“ उद्देश“

‘एक.. एक बिंदू जोडून’ अप्रतिम रांगोळी होते, त्याप्रमाणे जात, भाषा, पंथ आणि खानपानाच्या विविधतेने स्वधर्म भरलेल्या ‘समाजपुरुषाचा’ एकेक बिंदू जोडूनच एकसंघ ‘सामूहिक तबला वादन’ व ‘नृत्य’ अशा विविधांगी समाजाची निर्मिती होते. समाजातील हरहुन्नरी, गुणवत्तापूर्ण, सज्जन शक्तीला एकत्रित आणणे हे ‘स्वागतयात्रेचे’ एकमेव उद्दिष्ट आहे !!! चैत्र शुद्ध ।। प्रतिपदा म्हणजेच ‘गुढीपाडवा’ हिंदू नववर्षाची सुरूवात. १९ वर्षांपूर्वी एकत्र आलेल्या ‘संस्कृती प्रेमी’ मंडळींनी नववर्षाचे पारंपारिक पध्दतीने स्वागत करण्यास सुरूवात केली. संस्कार, संस्कृती अन् परंपरा जोपासून ‘नववर्ष स्वागताचा’ हा उपक्रम अधिकाधिक समाजाभिमुख, युवाशक्तीला संस्कारित व चारित्र्यसंपन्न करणारा, मातृशक्तीत स्वावलंबन व आत्मविश्वास निर्मिणारा ठरला. याच वाटचालींमुळे स्वागत यात्रा अधिकाधिक
यशस्वी व लोकप्रिय होऊन ‘गुढीपाडव्याला’ हजारो नाशिककर स्वयंस्फूर्तीने ‘नववर्ष स्वागत यात्रेत सहभागी होऊ लागले आहेत. आजच्या बदलत्या युगात, जिव्हाळा, परस्परांबद्दल आदर, बंधुभाव जपणाऱ्या समाजाची निर्मिती व संवर्धन आपल्या भावी पिढ्यांकरिता अत्यंत गरजेचे आहे. याच करिता नववर्ष स्वागत समिती निरपेक्ष भावनेने कार्य करीत आहे. आपणही तन-मन-धन पूर्वक या ‘संस्कृती यज्ञात’ सहभागी व्हावे, असे कळकळीचे आवाहन समिती आपणास करीत आहेत.