फाल्गुन कृष्ण १३/१४, शके १९४५ – रविवार ७ एप्रिल २०२४ रोजी सकाळी ८ वाजेपासून महारांगोळी असणार. यावर्षीचा महारांगोळीचा विषय, तृणधान्य माध्यमातून स्थानिक अन्न याचे महत्त्व अधोरेखित करणारा असणार आहे. यावेळी अत्यंत आकर्षित अशी तृणधान्याची रांगोळी प्रेक्षकांना बघावयास मिळेल.

” तृणधन्य (मिलेट्स) वर्ष ” असल्याने त्याबद्दल जनजागृती व्हावी याकरिता तृणधान्य हा विषय निवडण्यात आला आहे.

३००० किलो तृणधान्याने बनलेली, ७५ x ७५ फूट आकाराच्या रांगोळीत वापरले जाणारे तृणधान्य बाजरी, रागी/ नाचणी, ज्वारी, सावा
( कुटकी,काबू, पोन्नी ), वरई, कांगणी/ राळा, भगर, सामा/ कोराळे, कोद्रा.

रांगोळी तीन दिवस नागरिकांना बघण्याकरिता उपलब्ध होणार असून ,
रांगोळीत वापरले जाणारे तृणधान्य निवडून, स्वच्छ प्रक्रिया करून मग ते गरजू लोकांपर्यंत, अनाथ, वृध्दाश्रम यांना दिले जाणार आहे.

रांगोळी साकारण्याकरिता १०० हून अधिक महिलांचा सहभाग असून, ३ तासापेक्षा जास्त अवधी रांगोळी काढावयास लागणार आहे.